المقال سيتطرق لكيفية تثبيت نظام اندروبد بطريقة مبسطة لكن سيكون على حساب فرمتة الذاكرة
يعني لو كان عندك نظام مثبت من قبل وسيفات لازم تنقلها بالاول قبل ما تسوي الخطوات
لو اردت تقدر تستفرد ذاكرة كاملة لنظام اندرويد وتترك ذاكرة اخرى للالعاب وهذا راجع لك
الطريقة مشروحة بالتفصيل في الموقع الرسمي لو حاب تطلع عليها
اذا تبغي تختصر الشغلة وتحمل فقط الملفات المطلوبة تقدر تستعين بالبرنامج
في البرنامج حدد فقط مكان للملفات والنمط المطلوب وانسخ الملفات الناتجة للذاكرة
بعدها كمل نفس الخطوات في السوتش (*)
----------------------------------( الخطوات اليدوية )----------------------------------
قبل كل شي لازم تختار الوضع اللي تبغاه يشتغل بالجهاز اما نمط التابلت او نمط التلفاز
الافضل تختار نمط التابلت بحكم تطابقه مع نوع الجهاز
الملفات تبع نمط التابلت تقدر تحملها عبر الرابط علما ان نمط التلفاز موجود بنفس الرابط لو حاب تستخدمها
خدمات قوقل حملها من الرابط حسب اصدار النظام المستخدم ( اختار معمارية ARM64 )
(ملاحظة: خدمات قوقل اضافة وليست ضرورية لعمل النظام )
حمل المجلدات الموجودة عبر الرابط وانقل ملفات النظام المحملة للمجلد الخاص فيه كما هو واضح عندك بالصورة
switchroot هو المجلد الخارجي وداخله مجلدين android و install
تحتاج تنسخ الملفات المذكورة للمجلدين
ملف النظام وخدمات قوقل (اكبر ملفين) اتركهم بجذر الذاكرة كما حملتهم بدون ما تفك الضغط عنهم
بعد ما تخلص من تهيئة الذاكرة رجعها للسويتش
-------------------------------------------( النهاية )--------------------------------------
(*) في السويتش روح للقائمة العلوية Tools واختار Partition SD Card
حدد المساحة المتاحة لنظام اندرويد ( يجب ما تقل عن 10 قيقا )
اختار Dynamic
في الخطوة هذي بتتفرمت الذاكرة تقدر توصل الجهاز بيو اس بي وتنقل الملفات للكمبيوتر مؤقتا وترجعهم بعد ما يخلص الفورمات
بعد ما يتفرمت بيعطيك نفس الخيار عشان تشبكه ثاني واترجع الملفات
اختار Flash Android 13 وبعدها Continue للاستمرار
بعدها بيطلب منك تدخل Recovery Mode للاندرويد عشان عملية التنصيب النهائي اختار لا في هذه الخطوة
ارجع للصفحة الرئيسية واختار More Config
في هذه الخطوة خلك ماسك +VOL وانت مختار ايقونة الاندرويد ( لا تفلتها الا لما تشوف كتابة ظاهرة عندك في الشاشة بالجهة العلوية )
بعدها بيدخلك على Recovery Mode تقدر منها تثبت نظام الاندرويد
اختار Factory Reset ثم Format data / factory reset ( هذا بيحذف الملفات لو كان عندك نظام اندرويد سابق مثبت )
بعد ما يخلص ارجع للصفحة الاولى بالسهم العلوي واختار Apply Update
اختار Choose from SWITCH SD وحدد ملف النظام وانتظر دقايق
كرر نفس العملية مع ملف خدمات قوقل لو حاب تثبتها ( الاضافة لازم تتثبت قبل اول تشغيل للنظام ما ينفع تثبتها بعد ما تشغله )
اذا طلع لك Signature verification failed اختار Yes وانتظر لين يخلص
ارجع للصفحة الرئيسية واختار Reboot system now