في حال اردت التحديث مع الابقاء على الالعاب المحملة بالجهاز تقدر تتبع الخطوات هذه
الطريقة تنفع لو كنت على stock فقط يعني ما حملت ثيمات او اضافات ممكن تعطب عملية التحديث
اولا ادخل على النظام الرسمي وحدثه لاخر اصدار
طفي الجهاز وشيل الذاكرة واشبكها بالكمبيوتر
خد الحزمة الجديدة المتوفرة للنظام الجديد وانسخ فوق الملفات القديمة (الحزمة تجدها بمقال كيفية التحديث)
بتحتاج كذلك تنزل النسخة الاخيرة من النظام (حملها من هذا الرابط)
سوي مجلد جديد بالذاكرة وسمه Firmware واطرح فيه الملفات هذي
الحين رجع الذاكرة للسويتش وشغل الجهاز
ادخل على النظام المهكر ومن الالبوم شغل التطبيق Daybreak (التطبيق يجي مع حزمة النظام)
بعدها بتجيك هذي الصفحة اضغط Install
الحين حدد موقع المجلد Firmware اللي طرحت فيه ملفات النظام
اضغط Continue للاستمرار
اختار Preserve settings للابقاء على الاعدادات السابقة
بعدها اختار الفورمات FAT32+exFAT (هذا يحدد دعم النظام exFAT فورمات, تقدر تستخدم FAT32 لو كانت الذاكرة مخصصة بهذا الفورمات)
ملاحظة هامة: لو كانت فورمات ذاكرتك غير متطابقة مع فورمات النظام بتحصل مشكلة لذا خيار الاثنين افضل.
اضغط Continue للاستمرار
انتظر دقايق لين يخلص واعد تشغيل الجهاز
